Министерот Љупчо Николовски на денешната прес-конференција информираше дека на денешната владина седница биле предложени и усвоени низа нови мерки за поддршка на земјоделците.
Една од нив е новата мерка од околу 140 милиони денари за финансиска поддршка на млекопроизводителите по литар произведено и предадено кравјо козјо и овчо млеко во домашните капацитети за период од 1 октомври 2021 до 30 септември 2022 година
„Одговорно и навремено креираме мерки за поддршка на секој земјоделец. Наша обврска како Министерство е да го стабилизираме, одржиме и зголемиме домашното производство
и да го поттикнеме и подобриме производството на храна намалувајќи ги трошоците на земјоделците. Крајната цел е поголем домашен принос пред се на стратешки култури и помала увозна зависност.
Поддршката кон земјоделците ја продолжуваме. На денешната владина седница предложивме и беа усвоени низа нови мерки за поддршка на земјоделците.
Интервентниот фонд што го основавме оваа година го дополнивме со нова мерка којашто е околу 140 милиони денари за финансиска поддршка на млекопроизводителите по литар произведено и предадено кравјо козјо и овчо млеко во домашните капацитети за период од 1 октомври 2021 до 30 септември 2022 година.“
Николовски нагласи дека ова претставува дополнителна поддршка преку Интервентниот фонд, чија цел е намалување на трошоците и на загубите кај млекопроизводителите и
додаде дека од страна на Платежната агенција веќе се поднесени налози за исплата на следната фаза – март, април и мај 2021 година кон 6000 корисници во вредност од 150 милиони денари.
