ДОСЕГА НЕОБЈАВЕНО ВИДЕО: Првите сведоци на лице место откако загина Тоше

Со програма насловена „Ангел си ти“ денеска на Гумење во Крушево ќе биде одбележан 44-тиот роденден на македонската и балканска музичка ѕвезда Тоше Проески, кој загина во сообраќајна несреќа на 16 октомври 2007 година кај Нова Градишка, Хрватска.

Бројни фанови и поддржувачи на Тоше од земјава и странство ќе го посетат неговото вечно почивалиште на Гумење, а ќе го посетат и Спомен домот „Тодор Проески“ каде се наоѓаат неговите лични работи кои вечно го будат споменот за него. Неговите фанови велат дека Тоше има само ден на раѓање.

Фотографиите и видеата од смачканиот џип „Туарег“ на сите веќе им се добро познати, но речиси по многу години се појави и видео од сведоците на лице место тоа утро.

Имено на Јутјуб пред четири години се појавило видео кое е направено со мобилен телефон во тоа време, а на него се гледа како има колона возила запрени во место поради сообраќајна несреќа.

Сведокот со мобилниот телефон се приближува кон смачканиот автомобил, а во меѓувреме има и брза помош на лице место што значи дека се уште на никој не му било јасно дека тој ден Балканот ќе биде завиен во црно…

Само неколку минути подоцна, медиумите пристигнале на лице место, но на местото останал да сведочи само „Туарегот“ со траги на свежа крв.

Извор https://ubavden.net/

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде