Десетина деца се на кислородна поддршка во болницата во Козле поради компликации од респираторни инфекции.
Најмалото од нив има само две недели и буквално од родилиште завршило веднаш во болничка соба. Бронхити и пневмонии,
а многу помалку стомачни вируси – е патологијата со која се соочуваат педијатрите во установата каде дневно има повеќе од 100 прегледи, објави ТВ Сител.
-Воглавно се опструкции и сега веќе и децата ко исе алергични – на домашна прашина, доаѓаат во тешка состојба и во напад. И да, респираторните инфекции можат да завршат со потреба од кислород, вели за телевизијата д-р Љуљјета Мустафа, педијатар во болницата во Козле.
Овој бум на респираторни вирусни инфекции според лекарите се должи и на заспаниот имунитет во време на пандемијата па децата сега го плаќаат данокот.
Најголем број од пациентите во болницата во Козле се од претшколска возраст, но има и поголеми кои имаат хронични заболувања но поради ковидот не оделе често на контроли.
-Исхраната, физичката активност и хигиената – тоа е најважно, но и редовни контроли, особено тие со астма и алергии кои не одеа во пандемијата, да си ги закажат редовните темини, вели д-р Мустафа.
Иако во есенскиот период се очекува зголемен број на вирусни инфекции, наплив од болни деца бележат и земјите во соседството, каде има и сомнежи дали позади ова е сокриен бран на ковид.