Почина универзитетската професорка и експерт по меѓународно право, професор д-р Татјана Петрушевска.
Таа имаше 55 години и беше редовна професорка на Правниот факултет во Скопје.
Петрушевска предаваше меѓународно јавно право, право на меѓународните организации, право на меѓународните трибунали,
дипломатско и конзуларно право, мултилатерална дипломатија, мултилатерална дипломатија и Организацијата на обединетите нации, право на Европската унија,
заедничка надворешна и безбедносна политика на Европската унија и надворешна политика на Европската унија и на Соединетите американски држави.
Има објавено повеќе од 250 научни и стручни трудови во домашни и странски стручни списанија на теми од областа на меѓународното јавно право и правото на Европската унија.
По смртта на професорката Петрушевска се огласија и од Правен факултет:
Со длабока тага ве известуваме дека денес, 11.10.2022 година, по долго боледување почина проф.д-р Татјана Петрушевска, редовен професор на Правниот факултет „Јустинијан Први“ – Скопје при Универзитетот „Св. Кирил и Методиј“ во Скопје.
Со нејзината смрт загубивме драга и почитувана колешка и особено ценета пријателка, успешен интелектуалец, извонреден предавач, одличен педагог и посветен наставник.
Нека почива во мир!, напишаа од Правен факултет „Јустинијан Први“ – Скопје.