Под влијание на циклонска активност од запад, особено од утре (четврток), па до крајот на оваа седмица насекаде низ Македонија ќе има врнежи од дожд, грмежи и повремено засилен ветер.
Локално ќе има појава на ПОИЗРАЗЕНО НЕВРЕМЕ, проследено со интензивен пороен дожд, силен ветер, електрични празнења и со појава на град.
Локално ќе наврне ГОЛЕМО количество на воден талог (над 60 л/м2). Постои опасност од локални ПОПЛАВИ, како и излевање на некои од помалите реки низ државава.
Апелираме, граѓаните во случај на појава на НЕВРЕМЕ да бидат КРАЈНО ПРЕТПАЗЛИВИ, и секако да не претстојуваат на отворен простор и под осамени дрвја во случај на појава на електрични празнења.
Во Скопје исто така ќе има ПОИНТЕНЗИВНИ врнежи од дожд, а можна е и појава на НЕВРЕМЕ, како и на локални поплавувања во делови од котлината.
Температурите се до крајот на оваа недела нема многу да се менуваат во споредба од оние кои ги имаме сега, и покрај тоа што малку истите ќе бидат пониски.