Невреме проследено со грмежи, пороен дожд и врнежи од град денеска го зафати Берово.
Поради големината на врнежите од град, жители јавуваат за оштетени автомобили, а од видеата објавени на социјалните мрежи од страна на граѓаните, забележлива е големата количина вода низ градските улици.
Во соседната општина Пехчево исто така забележани се поројни дождови поради што регистрирана е обилна количина вода по улиците.
Поради електричното празнење, надлежните апелираа без потреба да не се излегува од домовите за времетреање на невремето.
Големо невреме и во Беровско Регионалниот ЦУК Штип известува дека од понарникарите на ТППЕ Берово има известување дека Општина Берово е зафатена со пороен дожд и град.
Патниот правец Берово-Виница е во прекин кај с.Смојмирово бидејки е надојдено многу вода од Колачински поток.
Исто така, ЦУК известува дека има информација дека Смојмирска река е многу надојдена и има штети по земјоделските површини и има поплавено неколку објекти.
Се уште нема конкретно колкава штета има, бидејки невремето се уште не стивнало во моментот на информирање, велат од ЦУК.