Денеска во Битола се случи тешка сообраќајна несреќа.
На 25.06.2023 во 19:48 ТППЕ Битола интервенираше со едно возило и 5 пожарникари на сообраќајна незгода на ул.Васко Карангелески кај новиот пазар во Битола, објавија од ТППЕ Битола.
Засега не е познато дали има повредени во несреќата. Повеќе информации се очекуваат од МВР.
Во продолжение и фејсбук постот на страната Бабам Битола:
Улиците во Битола бетер од тркачки патеки
Овај немил настан е на фотографиите е од денес, 25.06.2023 г. на ул. Васко Карангелевски заради неприлагодена брзина. Не знаеме како помина неофицијално 23, 24 годишниот возач, Госпо да му помогне.
Пред некоја недела со 170км/ч имаше уште една сообраќајка на брзински мотор со такси возило кај св.Тома, Карпош. Возачот на моторот, млад дечко е со тешки телесни повреди и нагмечување на главата и мозокот. Во кома, не се знае ништо дај Боже и тој да се накрени.
За кај Музичко да не прајме муабет, сведоци сме неколку години по ред на тешки сообраќајки со уништени повеќе од три возила, скинати бандери и брзини исто над 170 км/ч.
Не знаеме како е по цел свет, но таму каде шо имаме прошетано цел град баш заради ваквите случки на секои 20, 30 метра има извишувања, како браници- бампери, или поедноставно лежечки полицајци.
Барем на овие места кои се најкритични, зошто да не, синкир големиот град па се брзаме сите за негде.
Треба да се размислува понапред и да се користат позитивните искуства, другото сѐ е навика.