Семејство од Србија останало без џипот на одмор во Пефкохори. Како што изјавил нивниот пријател, автомобилот им бил украден пред сместувањето. Истата агонија ја доживеа уште едно семејство српски туристи само во Солун.
Во рамките на фејсбук групата „Грчка инфо“ денеска апел објави маж од Србија, Филип А., кој ги известил сите членови за кражба на автомобил од Крушевац во познатото грчко одморалиште Пефкохори, барајќи ако некој го види автомобилот да пријави.
„Автомобилот на моите пријатели е украден во Грција пред нивниот апартман во Пефкохори, пристигнале вечерта, сабајле го немало. Пријавено во полиција, се уште никој не излегол, бела Тојота Рав 4, таблички КШ. Ако некој види или забележи, би бил благодарен ако може да пријави овде“, напиша Филип.
Вчера уште едно семејство од Србија доживеало непријатно искуство додека се враќало од одмор. Имено, на враќање застанале кај Солун, каде што им бил украден автомобилот со предмети пред познат трговски центар, се вели во објава на групата „Грчка инфо“.
Пред еден час во рамките на истата група се огласи уште еден српски граѓанин, чиј автомобил бил обиен на една од плажите на Касандра.
„Поздрав до сите, ве молам внимавајте на вашите автомобили, прозорецот е скршен, автомобилот е Kia Spotage, на Златната плажа кај Палиури, Касандра“, напиша таа.
Во разговор со локални жители, „Блиц“ неофицијално дознава дека најверојатно се работи за мафија од Бугарија, која во летните месеци дејствува во Грција.
