Неколку торнада и бури со грмотевици го погодија поширокото подрачје на Чикаго, поради што аеродромите О’Харе и Мидвеј го прекинаа целиот воздушен сообраќај во третиот по големина американски град.
Најмалку осум торнада имаше во четири окрузи во североисточниот дел на Илиноис, вклучувајќи четири во округот Кук, каде што се наоѓа Чикаго.
Сите полетувања на комерцијалните летови кон аеродромите О’Харе и Мидвеј беа приземјени, а полетувањата од тие два аеродрома беа одложени, објави американската Федерална управа за авијација.
Според FlightAware, повеќе од 320 летови биле откажани, а градските власти ги предупредиле луѓето да се евакуираат.
Имаше откорнати дрвја и разнесени кровови во градот Кантрисајд во округот Кук, а стакла од автомобили беа разнесени во Ла Гранж, соопшти Националната метеоролошка служба. Оштетувања на кровови и дрвја се пријавени и на неколку други локации.
Илјадници жители останаа без струја, а канцеларијата на градоначалникот Брендон Џонсон соопшти дека жителите на Чикаго треба да ја ограничат употребата на вода за да спречат поплави.
Предупредувањето за торнадо за Чикаго сè уште не е укинато, меѓутоа, експертите велат дека сегашната прогноза е „без предупредување за торнадо“.