Видеата можете да ги погледнете на крајот од текстот.
Град со големина на јајце вчера ја побелел почвата во неколку села во општината Старо Нагоричане, информираат од Центарот за управување со кризи.
Според РЦУК, најпогодени биле селата Канарево, Цвиланце, Бајловце, Брешко и Аљинце.
Кумановски Муабети објавија снимки и фотографии од град во селата Алгуња и Сув Орах.
Најпрвин паѓал сув град со големина на јајце од кокошка, со силен интензитет околу десетина минути, по што почвата побелела.
Потоа паѓал пороен дожд проследен со силен ветер, додаваат од Кумановски муабети.
