Почина Џон Гослинг, клавијатуристот на легендарниот британски бенд The Kinks. Имаше 75 години.
Веста за смртта на Џон Гослинг ја објавија неговите колеги на неговиот официјален Твитер профил.
„Многу сме тажни поради смртта на Џон Гослинг. Изразуваме длабоко сочувство до неговата сопруга и семејството“, се вели во соопштението.
Да потсетиме, Џон свиреше во бендот помеѓу 1970 и 1978 година. Се појави на десет албуми и придонесе за бројни хитови.
Кинкс беа англиски поп-рок бенд основан во 1964 година.
Во Америка, тие се категоризирани како едни од највлијателните членови на британската инвазија.