ВАЖНА ИНФОРМАЦИЈА: Поради сообраќајка, сообраќајот на овој патен правец од 06:40 е во целосен прекин
Патниот правец Прилеп-Градско е во прекин поради сообраќајна незгода на 500 метри од крстосницата „Камен Дол“.
Прекинот, како што информира Авто мото сојузот на Македонија, е од 06:40 часот.
Интензитетот на сообраќај на патните правци надвор од градските средини е умерен.
Од АМСМ соопштија дека на граничниот премин „Табановце“ се бележи зголемена фреквенција на возила, времето на чекање за влез и излез од државата е околу 30 минути.
На останатите гранични премини од македонска страна, нема поголеми задржувања за влез и излез од државата. Сообраќајот на државните патишта се одвива непречено по претежно суви коловози.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.
Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Фото: Илустрација