Пилотот загина во пад на мал авион кој денеска околу пладне се урна во Батајница, а како што пренесуваат српските медиуми, на терен се полицијата и пожарникарите.
Како што објавија, авионот полетал од блискиот аеродром „13 Мај“, а набргу потоа паднал во поле.
- Полета и по 4-5 минути имаше некаков дефект. Тој не можел да го контролира леталото и удрил во блиските полиња со пченка и се запалил – наведува изворот на „Блиц“.
Според првичните индормации, пилотот полетал затоа што сакал да проба нешто во авионот.
- Во еден момент пријавил дека командите не му функционираат – вели изворот.
Веднаш по несреќата, хеликоптерската единица на МВР на Србија испратила дежурен хеликоптер за пребарување и леталото било лоцирано за помалку од 10 минути.
Во леталото имало само пилот, кој загинал, пишува Танго шест.
