Во тешка сообраќајна несреќа на магистралниот пат Ужице – Златибор, на Ложионскиот мост во Ужице, утринава околу 8 часот загинаа сопружниците Драгослав С.(65) и Зорица С.(66), додека две девојчиња 11 и 9 години со тешки повреди се примени во болницата во Ужице.
Според првите и неофицијални податоци од истрагата, сообраќајната несреќа се случила помеѓу цистерна НИС и патничко возило „шевролет спарк“.
Возилото го управувал Д.С., додека З.С. била на совозачкото седиште, а девојките биле врзани на задните седишта.
Неофицијално Д.С. додека го управувал возилото ја претекнувал колоната на мостот и директно се судрил со цистерната.
Брачната двојка починала на лице место, а девојчињата со тешки повреди и во свесна состојба се пренесени во болницата во Ужице.
Во болницата во Ужице велат дека децата се во тешка состојба и дека им е констатирана дијагноза.
Се претпоставува дека брачниот пар Драгослав и Зорица се баба и дедо на девојчињата.
Од силината на ударот предниот дел на „шевролетот“ бил целосно смачкан, а неопходна била и интервенција на пожарникарите.
Сообраќајот преку мостот е прекинат, а возилата се пренасочуваат низ градот.