Три дена откако ја крена јавноста на нозе со најавата дека „постојат огромни шанси учебната година да почен со штрајк“, првиот човек на независниот синдикат за образование и наука Томислав Гиевски не кажува дали и каква е конечната одлука, иако стартот на наставата е веќе во петок на 1 септември.
На прашањето на Канал 5 дали останува евентуалната најава за штрајк и дали смета дека има основ за него, Гиевски рече дека не може да одговори, поради потполнета агенда во текот на целиот ден.
За разлика од Независниот синдикат, поголемиот и репрезентатитвен СОНК нема дилеми – на само неколку дена пред стартот на учебната година сметаат дека е несериозно воопшто да се најавува штрајк..
Ги разгледале аргументите на колегите, но ги оценуваат за неосновани..
-За вакви барања коишто ни ги доставија во писмена форма, сигурно СОНК нема да даде поддршка бидејќи најголемиот дел од тие прашања се реализираат со колективните договори.
Впрочем сме и пред потпишување на нови колективни договори каде што многу повеќе ке имаат привилегии просветните работници.
Ние со стручниот тим овде во СОНК, со правната служба ги разгледавме барањата и констатиравме дека во најголем дел од овие барања е постапено согласност колективниот договор.
Имаме забелешки за несоодветно толкување од нивна страна на некои одредби од колективните договори.- Јаким Неделков претседател на СОНК