Во Хонг Конг најмалку 55 лица денеска завршија во болници поради повреди предизвикани од тајфунот Саола.
Властите во Хонг Конг утрово известија дека околу 500 жители побарале засолниште во итни засолништа поради невремето.
Властите во Хонг Конг, исто така, пријавија соборени дрвја и поплави.
Во петокот вечерта тајфунот Саола стигна до бреговите на јужна Кина и Хонг Конг, носејќи силен дожд и налети на ветер.
Кинеската метеоролошка служба предупреди дека Саола може да стане најсилниот тајфун во регионот од 1949 година.
Од петокот вечерта, Хонг Конг ги затвори сите училишта и градинки.
Повеќето летови исто така беа откажани. До саботата наутро, ситуацијата во финансиската метропола донекаде се смири.
Сепак, локалната метеоролошка служба ја повика јавноста да остане внимателна.
Big dry slot means back end winds (that sounds wrong) shouldn’t be too bad. That coupled with fact the storm is weakening rapidly mean I’m calling it a night. Some wild moments earlier! Here’s a few shots thrown together #typhoon #saola #hongkong pic.twitter.com/i16kTz3crg
— James Reynolds (@EarthUncutTV) September 1, 2023
Саола е деветти тајфун во регионот оваа година. Силните циклони се повторуваат во текот на летните месеци и погодуваат бројни земји во Југоисточна Азија.