Добитникот на Нобелова награда и македонски академик доктор Ферид Мурад почина денеска на 87-годишна возраст.
Докторот Ферид Мурад е светски познат лекар и научник, добитник на Нобелова награда за физиологија и медицина.
Д-р Мурад живеел и работел во САД, а потекнува од гостиварското село Лакавица.
Во 1998 година, заедно со двајца колеги, ја доби Нобеловата награда за физиологија/медицина за откритија во врска со улогата на азотен оксид во кардиоваскуларниот систем.
Награден е со титулата „Почесен доктор“ од многу универзитети и престижни меѓународни образовно-научни институции. Исто така, ја има титулата „Doctor Honoris Causa“ од Универзитетот на Југоисточна Европа во Тетово.
Како професор по медицина и здравствени науки во Универзитетот Џорџ Вашингтон, Мурад добил и многу други награди, меѓу кои Наградата за основни медицински истражувања „Алберт и Мари Ласкер“,
Наградата „Циба“ на Американското друштво за срце и Наградата „Бахтер“ за истакнати истражувања во биомедицински науки од Друштвото на американските колеџи по медицина.
![](https://direkten.mk/wp-content/uploads/2023/09/image-12.png)