– Во Македонија продолжува периодот на стабилно, суво и сончево време со летни максимални дневни температури на воздухот, што значи дека септемвриското лето и понатаму продолжува.
Територијата на нашата држава, н о и на целиот наш регион се наоѓа под влијание на стабилна, сува и топла воздушна маса од југ,
но сепак утрата ќе бидат свежи со минимални температури кој ќе се спуштаат во интервалот од 10 до 17 степени, додека особено во Малешевијата температурата ќе се спушта и под 10 степени.
Максималните дневни температури на воздухот пак во следните денови ќе бидат натпросечно високи и ќе се искачуваат во интервалот од 28 до 35 степени.
Повеќе облачност се очекува од четврток, додека за време на следниот викенд ќе има услови и за локална краткотрајна попладневна нестабилност.
Во Скопје и околината очекуваме слично време, стабилно суво и сончево.
Наутро температурата ќе се спушта во интервалот помеѓу 12 и 15 степени, додека максималната дневна температура ќе биде натпросечно висока и ќе се искачува во интервалот помеѓу 29 и 31 степен – вели метеопрогнозерот Славчо Попоски.
За нови, детални и по потреба обновени метео информации, следете го официјалниот фејсбук профил на Славчо Попоски тука!