Дваесет и четиригодишен мотоциклист е тешко повреден во сообраќајна несреќа која се случила вчера околу 19 часот и 30 минути во Штип.
Во несреќата учествувале мотоциклистот и четириесет и шестгодишен штипјанец кој управувал „шкода“.
„На 19.09.2023 во 19.28 часот во СВР Штип било пријавено дека на ул.„Черења“ во Штип се случила сообраќајна несреќа
помеѓу патничко возило „шкода“ со штипски регистарски ознаки, управувано од З.З.(46) од Штип и мотоцикл без регистарски ознаки, управуван од Е.О.(24) од Штип.
Во несреќата со тешки телесни повреди се здобил мотоциклистот, констатирани во Клиничка болница Штип“, информираат од МВР.
Извршен бил увид од увидна екипа на СВР Штип.