Поради сообраќајна несреќа помеѓу трактор и автомобил, во која се повредени возачите, по двочасовен прекин, сега на дел од патот Кичево-Гостиар, кај влезот во Гостивар, сообраќајот се одвива наизменично.
Од СВР Тетово информираат дека во 10.05 часот била пријавена сообраќајна несреќа на магистралниот пат Кичево-Гостивар, пред влезот на Гостивар, во близина на угостителски објект.
„Во неа учествувале патничко моторно возило марка сеат кордоба со гостиварски регистарски ознаки управувано од Р.Р. (75) од долнореканско Велебрдо и трактор, исто така, со гостиварски ознаки што го управувал Г.Ќ.(34) од гостиварска Ломница“, наведуваат од СВР Тетово.
Во несреќата, двајцата возачи се здобиле со телесни повреди констатирани во гостиварската Општа болница „Ферид Мурад“, каде биле пренесени за укажување на лекарска помош.
На местото на несреќата увид врши екипа од ОВР Гостивар, сообраќајот се регулира со неизменично пропуштање на возилата во двете насоки.
Фото: Илустрација