Во сообраќајка на булеварот „Теодосиј Гологанов“ која се случила вчера наутро тешко повредено е едно лице.
„На 08.11.2023 во 09.30 часот во СВР Скопје било пријавено дека на ул.„Митрополит Теодосиј Гологанов“ во Скопје се случила сообраќајна несреќа помеѓу патничко моторно возило „цитроен ксара“ со кочански регистарски ознаки,
управувано од С.О.(55) од Кочани и патничко моторно возило „цитроен берлинго“ со скопски регистарски ознаки, управувано од З.К.(62) од Скопје.
Во несреќата со тешки телесни повреди се здобил З.К. констатирани во Градската општа болница „8 Септември“ “, информираат од МВР.
Извршен бил увид од увидна екипа од СВР Скопје.