Неколку лица се повредени во судири меѓу навивачите и бугарската полиција во Софија пред квалификацискиот натпревар за ЕП 2024 меѓу Бугарија и Унгарија
Навивачите групно се упатија кон стадионот, но бугарската полиција ги спречи да се приближат до спортскиот објект откако поставија кордони.
Околу 17:40 часот по средноевропско време дошло до судири меѓу навивачите и полицијата.
Навивачите фралале факели и тврди предмети кон полицијата, која одговорила со водени топови. Локалните медиуми јавуваат дека има повредени од двете страни.
Бугарските навивачи протестираат против претседателот на ФС на Бугарија Борислав Михаилов и бараат негова оставка. Бугарските навивачи сметаат дека Михаилов е еден од главните виновници за лошите резултати на бугарската репрезентација.
Протести беа организирани и пред седиштето на Министерството за спорт, каде група навивачи бараат оставка од првиот човек на Фудбалскиот сојуз на Бугарија.
Фудбалерите на Бугарија со два бода се на последното место на табелата од групата Г од квалификациите за ЕП 2024 година.