Министерот за внатрешни работи Оливер Спасовки откри дека има напредок во истрагата во врска со исчезнатото девојче.
Како што соопшти министерот, пет лица се приведени, а обезбедено е и едно возило како доказ, односно како трага со кои што се продолжува понатаму со истрагата се до расчистување на случајот.
Тоа е нешто плус што го преземавме“, изјави министерот при денешната посета на СВР Куманово, пренесуваат медиумите.
Претходно министерот Спасовски изјави дека не пости никаква потврда за тоа дека на 14 годишната Вања трагата и се губи според „Универзална“ како што претходно пишуваше во медиумите.
Но Спасовски беше внимателен и не сакаше да открива повеќе детали околу истрагата за да не ја попречи истата.
Потсетуваме, 14-годишната Вања Ѓорчевска исчезна во понеделникот во раните утрински часови на патот кон нејзиното училиште.
Случајот ја вознемири целокупната македонска јавност, но и ги крена целиот Балкан на нозе. По девојчето распишана е и потерница од Интерпол за исчезнати лица, а покрај полицијата во потрагата по девојчето се вклучија и бројни граѓани и другари од училиштето во кое што учеше.
Тие цело време споделуваа објави на социјалните мрежи и лепеа плакати со нејзини фотографии во населбата во која што живееше, сé со цел да се дојде до било каква информација што ќе допринесе во пронаоѓање на исчезнатото девојче.