Убиствата на Вања Горчевска (14) од Скопје и Панче Жежовски (74) од Велес изминативе денови го потресе целиот регион.
Ужасните детали за овие две злосторства, кои се донекаде поврзани, продолжуваат да се појавуваат.
Имено, тие ги „делат“ речиси сите осомничени, а автомобилот на Жежовски бил искористен за киднапирање на маlata Вања …
Досега четири лица се испратени во притвор, додека главниот осомничен за двете убиства се уште се трага.
Сите осомничени се мажи, двајца се од Велес, двајца од Скопје и еден од Штип. Сите петмина се осомничени за киднапирање и убиство. Заедничко за сите е тоа што имаат деца и што досега не биле осудени. Некои од нив беа симпатизери на ликот и делата на Љупчo Палевски Палчo, главниот осомничен дека го организирал и извршил убиството на Вања, како и убиството на Жежовски.
Истрагата за двата случаи е обемна и комплицирана, а многу детали кои беа откриени во текот на истрагата не им беа познати ниту на осомничените.
Кои се осомничените и што знаеме за нив?
Еден од осомничените е велешанецот Велибор Манев (53). Тој е семеен човек, татко на две возрасни деца. Досега тој не е осуден или кривично гонет. Последниве месеци стана познат меѓу скопјани, бидејќи собираше потписи за петиција против промена на името на МПЦ.
Тој на социјалните мрежи беше жесток поддржувач на Палевски, кој е осомничен дека е извршител на убиствата на Вања и Панче. До апсењето во саботата, Велибор споделуваше објави на социјалната мрежа „Фејсбук“, главно видеа од Палевски, објавени на профилот на „Партија Десна“, политичкиот субјект во кој тие двајца беа активни. Судејќи според најавите, двајцата планирале да ја прослават годишнината на партијата на 12 декември.
Боре Видевски
И Боре Видевски е од Велес, и татко е на две возрасни деца. Се занимавал со боречки вештини.
Неговиот ФБ профил е исполнет со негови фотографии со децата што ги тренира.
Тој нема криминално досие во македонските судови. Видевски, за разлика од Кешишев и Манев, не објавува соопштенија од партијата „Десна“, но има заеднички фотографии со неговиот сограѓанин. Тој заедно со Манев беше на штандот каде што собираа потписи за да не се смени името на МПЦ.
Штипјанецот Влатко Кешишев има 64 години и во јавноста е познат како „готвачот“ на Палчо. Тој е татко на две возрасни деца, од кои едното споделува објави и слики од Палчо на социјалните мрежи.
Според мештаните, Кешишев е разведен, а само ден откако бил приведен, неговиот Фејсбук профил бил деактивиран. Сепак, Кешишев додека бил активен на интернет го посетувал штабот на „Десна“ каде Палчо снимал подкасти.
Александар Горчевски
Таткото на Вања, Александар е од Скопје и има 51 година. Мајката на Вања Зорица претходно за медиумите изјави дека имаат две деца и дека се разведени. Таа изјавила и дека Александар нема профили на социјалните мрежи, бидејќи ја штител својата приватност.
Никогаш не бил осуден, површно го познавале во населбата Дебар Мало, каде што живеел долги години. Иако нема фотографии како другите лица, истрагата покажала дека тој го познавал Палчо, на која се сомневаат дека дал информации за времето и патот на движењето на Вања, а тие информации и помогнале да биде киднапирана и убиена.
Велибор Манев, Боре Видевски и Влатко Кешишев наводно раскажале каква била нивната улога во киднапирањето и убиството на Вања и Панче. Се наведува дека извршител на убиствата е Љупчо Палевски Палчо, кој е во бегство и за кој се верува дека ги организирал сите. Таткото на Вања досега негираше вмешаност во злосторството. Сепак, наводно има докази дека тој дал време и место кога Вања ќе биде сама. Да потсетиме, ја врзале девојката во влезот, ја ставиле во вреќа за спиење и ја однеле во селото Бразда, Чучер Сандево. Таму била убиена. Обдукцијата ќе утврди кога точно починала и дали била малтретирана.
Извор: Telegraf.rs