Претседателот на Европскиот Совет, Шарл Мишел пред малку на Твитер објави дека Европскиот совет одлучил да се отворат пристапни преговори со Украина и со Молдавија.
Засега не се познати детали кога ќе се одржи првата меѓувладина конференција, ниту кога ќе биде усвоена преговарачката рамка.
Исто така, статус на кандидат доби и Грузија, а ЕУ ќе отвори преговори со БиХ кога ќе биде постигнато потребното ниво на ускладеност со критериумите за членство.
– Европскиот совет одлучи да отвори пристапни преговори со Украина и Молдавиј – наведе Мишел.
Според него, Советот на ЕУ решил и да и додели статус на земја кандидат за членство на Грузија, додека во однос на БиХ останува условената препорака за старт на преговорите.
– ЕУ ќе ги отвори преговорите со Босна и Херцеговина, откако ќе се постигне потребниот степен на усогласеност со критериумите за членство и ја повикува Комисијата да поднесе извештај до март со цел да се донесе таква одлука – додаде Мишел во објавата.
Според него, ваквите одлуки се јасен сигнал за надеж за народите на овие земји и за европскиот континент.