Милош Милојковиќ (33) загина во тешка сообраќајна несреќа што се случи во петокот околу 16 часот на патот Кула – Руски Крстур, а зад себе ги остави сопругата и двата сина на три и една година.
Несреќата се случила кога на Милош, кој се враќал од Руск Крстур со возило „опел кадет“, удрил автомобил кој доаѓал од спротивната насока, а несреќниот млад човек не можел да го избегне.
Дошло до директен судир, при што двете возила излетале од патот, пишува Новости.
Несреќата ја предизвикал возач на патнички автомобил, кој се обидел да претекне друго возило, според информациите на очевидците, кои им биле пренесени на роднините на починатиот Милош. Наводно, тој возач, кој се здобил со тешки повреди, но останал жив, бил под дејство на алкохол.
Во домот на починатиот млад човек неговите најблиски роднини се во шок. Милош зад себе ги остави сопругата Наташа и двата сина на три и една година, мајка и помала сестра. Неговиот татко починал пред 10 години.
Беше прекрасен, насмеан, дружељубив… Ваква личност ретко се раѓа. Сите го викаа Милојко… Имаше многу кумства, крстил многу деца. Покрај тоа, тој беше исклучително вреден. Работел во фабрика во Бачка Топола, а се занимавал и со трговија со автомобили – рече неговата кума и соседка.
Телото на повредениот млад човек е испратено на обдукција во Институтот за судска медицина во Нови Сад, а погребот ќе се изврши во недела (24 декември) во 15 часот на Градските гробишта во Кула.