На северот на Авганистан синоќа се урна авион „Фалкон 10“, регистриран во регистарот на цивилни авиони на Русија.
Според прелиминарните информации, во леталото имало четворица членови на екипажот и двајца патници, пренесува руската агенција Интерфакс.
Авганистанската полиција соопшти дека добила информации за падот на авионот во провинцијата Бадакшан, во непристапна планинска област, пренесе Ројтерс.
Авионот престанал да комуницира вечерта на 20 јануари, додека бил во авганистанскиот воздушен простор, во близина на границата со Таџикистан, и исчезнал од радарските екрани, објави денеска руската Федерална агенција за воздушен транспорт на својот канал Телеграм.
„Според првите податоци, во авионот имало шест лица – четворица членови на екипажот и двајца патници“, се вели во соопштението.
Потрагата по леталото е во тек, а Росавијација е во контакт со воздухопловните власти на Авганистан и Таџикистан.
🚨BigNews An Indian plane en route to #Moscow has crashed in the Badakhshan region of Afghanistan reports #Afghan media. Investigation underway #PlaneCrash #Afghanistan #Afganistan #Moscow #planecrash pic.twitter.com/CPYYoKYllf
— Muhammad Shahwaz🇵🇸 (@mohdsha73711828) January 21, 2024