На половина пат од грејната сезона, анализите покажуваат дека во споредба со претходните зими, побарувачката на огревно дрво е значително послаба за овој период од годината. Дополнитлено, инволвираните посочуваат дека има благ пад на цената на огревното дрво и пелетите.
Бранко Главоњиќ, професор на Шумарскиот факултет во Белград, во гостувањето во Дневникот на РТС рече дека има неколку причини зошто нема значително намалување на цената на огревното дрво и пелетите.
– Една од причините е што сме на средина на грејната сезона, има уште многу денови до крајот на грејната сезона, а не се знае дали ќе бидат претежно ледени или претежно топли како што беше досега. Трговците внимателно ја следат побарувачката и временските прогнози.
Доколку има повеќе ледени денови во наредниот период тоа секако ќе влијае на зголемување на потрошувачката на огревно дрво, а со тоа и на зголемување на побарувачката.Трговците многу добро знаат дека огревното дрво поевтинува, а потоа се зголемува цената во случај на нагло зголемување на побарувачката и затоа го задржуваат истото ниво – објасни Главоњиќ.
Друга причина е што во услови на намалена побарувачка, ова ниво на цени им овозможува да ги покријат трошоците на редовното работење.
Професорот Главоњиќ вели дека тие го следат движењето на цените на неделно ниво.
– Сакам да кажам дека на 15 јануари ги забележавме првите намалувања на цените на огревното дрво на неколку магацини во Белград и во централна Србија.
Намалувањето на цените е симболично околу 200 динари за метар квадратен, но забележавме и два магацини каде што цената на пелети беше намален – рече Главоњиќ.
Едниот магацин се наоѓа во Белград, а цената на пелетите на 15 јануари е пониска за 1.000 до 1.400 динари за тон во однос на декември, а во друг склад лоциран во Шабац, цената е пониска за 500 до 1.500 динари за тон.
Зошто слабо оди продажбата на пелети?
Говорејќи за пазарот на пелети, Главоњиќ вели дека ситуацијата во Европа е слична на ситуацијата во Србија, со исклучок на северна Европа каде има врнежи од снег и многу ниски температури. Во останатиот дел од Европа е сосема спротивно.
– Втората причина е што минатата година во Европа беа увезени исклучително голем број пелети. Зимата беше блага, а големите количини пелети останаа непродадени. Тоа секако влијаеше на нивото на побарувачка на пелети во водечките европски земји во однос на потрошувачката на пелети. како Италија, Велика Британија, Холандија, Белгија, Германија, Австрија – вели професорот.
Според него, тоа имало ефект што интересот на странските трговци за пелети во Србија бил на рекордно ниско ниво.
– Сето тоа влијаеше на тоа дека извозот на пелети од Србија во првите 11 месеци од минатата година изнесуваше само 38.000 тони. А во истиот период во Србија се увезени околу 57.000 тони. Бројката од 57.000 тони говори колку тешка е ситуацијата и колкава е кризата, пред сè, во производството и продажбата на пелети не само во Србија, туку и во околните земји – објаснува Главоњиќ.
Извор: Фактор