Пратеникот на СДСМ од Прилеп, Миле Талевски објави дека Владата обезбедила средства за изградба на затворен базен во Прилеп.
Прилепчани долго време го очекуваат овој проект, а сега конечно се обезбедени средства за негова изградба.
Ќе се гради затворен базен за потребите на спортистите, учениците, младите и граѓаните на Прилеп воопшто.
Талевски го повика градоначаникот на Прилеп, Борче Јовчески да не ги кочи централните инвестиции во градот и да го поддржи овој проект за доброто на прилепчани.
„Еве му прилика на градоначалникот на Прилеп, Борче Јовчески да се разбуди од зимскиот сон и да се приклучи кон реализацијата на овој капитален спортски објект. Еве му шанса на Јовчески наспроти теснопартискиот интерес и досегашното кочење на централните инвестиции во градот, да избере здрава и спортски ориентирана младина.“, напиша Талески.