Црна Гора ја потресе страшна семејна трагедија.
Синоќа околу еден час по полноќ М.Д.(51) од Подгорица со огнено оружје ги убил сопругата В.Д.(49) и неговиот 12-годишен син, а потоа се самоубил.
Како што пишуваат црногорските медиуми, М.Д бил пензиониран службеник на полициската управа.
„Истрагата на лице место ја спроведе државен обвинител во Вишото државно обвинителство во Подгорица со учество на балистички експерти и службеници на Одделението за безбедност во Подгорица. М.Д бил пензиониран вработен во полициската управа, а В.Д. – воспитувачка“, соопштено е од полициската управа.
Според засега достапните информации, пиштолот кој бил употребен како средство за извршување на ова дело бил во приватна сопственост.
На лице место се пронајдени уште две огнени оружја, за кои полицијата ќе утврдува дали ги поседувал законски.
„Според податоците со кои располага во моментов Управата на полицијата, се сомнева дека мотив за извршувањето на ова дело е наталожената состојба предизвикана од здравствената состојба на член на семејството, момчето кое беше лишено од живот“, констатира Управата на полицијата.