Почина Костадинка Велковска, познатата хрватска театарска и ТВ актерка и пејачка со потекло од Македонија.
Како што откри за „24сата.хр“ нејзиниот син Никола, неговата мајка починала во неделата во старечки дом.
Костадинка почина на 76 годишна возраст, а засекогаш ќе остане по бројните серии и филмови во кои што глумеше.
Како што изјави нејзиниот син Никола за споменатиот портал, таа била болна и се борела осум месеци, а ќе биде закопана во четврток, на 14 март, во Крематориумот Мирогој во 14 часот.
Потсетуваме, актерката во текот на летото имаше мозочен удар што беше сместена во старечки дом во Загреб.
Пред да го доживее мозочниот удар на актерката и бепе отстранет бениген тумор во мозокот, но се појави уште еден, па потоа и трет.
Како што самата откри на почетокот на април минатата година, повеќе време минува во ординација, отколку на сцена.
Костадинка е родена во Скопје, 1949 година, а позната е и како пејачка на шансони и тоа на најразлични јазици.
Најголемата трагедија во животот
Во приватниот живот имала големи трагедии, а една од најголемите е кога ќе ја изгуби нејзината сестра, која исто така живеела во Загреб, а која ќе почине на 21 годишна возраст во несреќен случај. Таткото на Костадинка, Благоја, првоборец во НОБ, кој работел во полиција, секогаш зборувал дека најтешката работа во животот е загуба на дете, па не можел да ја поднесе болката и извршил самоубиство.