Чувствуваме како да ќе умреме, пет дена не знаеме каде ни е Данка. Жена ми е болна од стрес, не знаеме веќе што да правиме, вели со болка во гласот дедото, родител на таткото на Данка Илиќ (2), по која веќе шести ден се трага.
Целото семејство Илиќ вчера биле пред полициската станица во Бор, каде изјави давале родителите на исчезнатото девојче.
Дедо вели дека веќе не знаат што да прават.
„Едвај стоиме на нозе, загрижени сме за нашата внука“, рекол очајниот дедо на малата Данка.
Кога станува збор за семејството од мајчината страна, се огласил вујкото на девојчето и рекол дека целото семејство се чувствува многу лошо.
„Јас сум потресен и вознемирен, како и целото семејство“ рече тој, кој претходните денови изјави дека го загрижува тоа што мајката Ивана ја држеле толку долго.
„Се тешам дека нејзините изјави се најмногу релевантни бидејќи последна ја видела Данка, односно и исчезнала од пред очите. Таа беше уништена и плачеше и ми рече дека не може да спие цела ноќ. И покрај се, морав да работам. Бев во рудникот. Јас и моето семејство немаме што да криеме“, рече тој.
Пред неколку дена на социјалната мрежа Инстаграм се огласи Милош Илиќ, таткото на исчезнатото девојче Данка Илиќ (2) од Бор, по кое се трага од вторникот.
Тој објави фотографија од својата исчезната ќерка, која последен пат била видена во вторникот околу 13 часот и 45 минути во Бањско поле во Брестовачко село на имотот на нејзината мајка Ивана Илиќ.
„Тато ќе те најде! Свету мој мал!“, напиша Милош Илиќ на својот Фејсбук профил, каде објави и фотографија од својата ќерка.