Двегодишната Данка Илиќ од Бор е убиена, а по нејзиното тело се уште се трага.
Срѓан Јанковиќ од село Лука и Дејан Драгијевиќ од село Злот се осомничени за убиството на двегодишната Данка Илиќ по која се бараше десет дена.
Јанковиќ е осомничен дека управувал со службено возило ЈКП Водовод во моментот кога наводно удрил во девојчето на Бањски пат, додека со него бил Драгијевиќ.
Истрагата на криминалистичката полиција на ПУ Бор укажува дека се се случило на 26 март околу 13 часот и 52 минути, односно само седум минути по пријавата на мајката дека девојчето исчезнало.
Мајката на девојчето, Ивана Илиќ, тој ден ја сликала малата Данка која подоцна беше објавена во сите медиуми, каде девојката е во маслинесто зелена јакна и виолетови панталони, додека косата и е врзана во опавче.
Сепак, еден детал го испуштија сите, а тоа е дека на фотографијата девојчето ги држи заедно рацете, како да се моли.
