Денеска нè очекува променливо облачно со сончеви периоди.
Наместа, особено во источните делови ќе биде нестабилно со пороен дожд и грмежи, а локално ќе има услови за краткотрајно невреме.
Ќе дува слаб до умерен, а во западните делови повремено засилен ветер од западен правец.
Во Скопје времето ќе биде променливо облачно со сончеви периоди и со повремен пороен дожд и грмежи.
Во четврток и петок ќе преовладува стабилно време, а нови врнежи се очекуваат за време на викендот. Дневната температура ќе биде без позначителна промена.