Вчера во 01.50 часот во СВР-Тетово било пријавено дека на автопатот Гостивар – Тетово, во близина на наплатната станица Тетово, се случила сообраќајна незгода помеѓу патничко возило „бмв“ со тетовски регистарски ознаки, управувано од И.М.(25) од Тетово и патничко возило „опел“ со австриски национални ознаки, управувано од Л.Х.(37) од Тетово.
Во незгодата со телесни повреди се здобиле двајцата возачи и сопатниците од двете возила А.Х.(25) од Косово, Е.К.(25) од Тетово, А.Б.(43) од Тетово и Н.И.(30) од Боговиње.
Повредите биле констатирани во Клиничка болница Тетово.
При судирот едно од возилата се превртело и излетало од сообраќајницата.
Увид на лице место извршила увидна екипа од СВР Тетово