Попладнево се случила страшна сообраќајна несреќа во тунелот кај Катланово, на автопатот Скопје – Велес.
Според првичните неофицијални информации, се судриле комбе и автомобил, додека пак две лица се загинати.
На местото на несреќата е полиција која врши увид, а сообраќајот е блокиран и истиот се пренасочува преку Петровец – Велес(по стариот пат), Миладиновци – Св.Николе – Велес – Штип.
На терен може да се забележат километарски колони.
Повеќе детали наскоро…
ОБНОВЕНО
Тројца патници загинаа, а петмина се префрлени в болница, откако попладнево се преврте комбе на автопатот Скопје-Велес, соопшти МВР.
“Во 17.45 ч. пријавено е дека на автопат Скопје -Велес, пред тунелот, се превртело комбе. Досега е констатирана смрт кај три лица, а пет се пренесени во болница за укажување помош. На лице место се упатени полициски екипи и јавен обвинител”, велат од МВР.
На местото на несреќата први помош укажале две екипи на Брза помош од Скопје и една од Велес.