Најмалку шест лица загинаа, а 25 се повредени при превртување на туристички автобус во Аксарај, Турција.
Туристичкиот автобус од непозната причина се превртел на локацијата Аципинар на автопатот Аксарај – Анкара. На местото на настанот се испратени бројни возила на брза помош, полиција и пожарникари.
Според првичните податоци, во несреќата загинале шест лица, а 25 се повредени.
Гувернерот на Аксарај, Мехмет Али Кумбузоглу изјави дека туристичкиот автобус се движел од Балукешир кон Кападокија.
„Во оваа сообраќајна несреќа за жал загинаа шест наши граѓани. Според првите информации имаме 25 повредени лица. Покрената е истрага“, додаде Кумбузоглу.
#SONDAKİKA | Aksaray'da sürücüsünün kontrolünü kaybettiği otobüs yoldan çıkarak şarampole devrildi.
— 23 DERECE (@yirmiucderece) October 18, 2024
İlk belirlemelere göre kazada 6 kişi öldü, çok sayıda kişi yaralandı. pic.twitter.com/gsufnlqq2j