Бројот на жртвите од поплавите во источниот шпански регион Валенсија се искачи на најмалку 63 лица, соопштија денеска локалните власти.
Службите за вонредни состојби во Валенсија, каде што поплавите ги претворија селските улици во реки и го прекинаа железничкиот и патниот сообраќај во најголемата природна катастрофа во земјата во последно време, го потврдија бројот на жртвите, објави АП.
Невремето вчера предизвика поплави во поголемиот дел од јужна и источна Шпанија, со порои вода измешани со кал кои се тркалаат по улиците со застрашувачки брзини.
Полицијата и итните служби користеа хеликоптери за да ги спасат луѓето од нивните домови и автомобили.