Обилните дождови денеска предизвикаа поплави во околината на градот Катанија на Сицилија.
Во гратчето Торе Аркирафи водата ги поплави улиците и влече автомобили во морето, јавува Анса.
Локалните жители испратија повеќе од 30 барања за помош до службите за итни случаи. Пожарникарите спасија голем број возачи заробени во нивните автомобили, а се уште нема извештаи за исчезнати лица.
Италија оваа година се соочи со повеќекратни бранови на екстремни временски услови поради климатските промени.
Интензивни топлотни бранови и екстремни суши го погодија југот на земјата ова лето, особено Сицилија и Сардинија, додека обилните врнежи доведоа до поплави во регионите Пиемонт, Емилија-Ромања и Марке.
Massive floods due to torrential rains on the street in Acireale of Sicily region, Italy. pic.twitter.com/vcSxJjNri2
— News Of The Globe (@NewsOfEarthTr) November 13, 2024