26-годишник е тешко повреден, уште две лица полесно во сообраќајка на магистралниот пат Куманово – Крива Паланка.
– На 21.11.2024 околу 05.30 часот во СВР Куманово било пријавено дека на магистрален пат Куманово – Крива Паланка, во местото викано Ливаде,
се случила сообраќајна несреќа помеѓу патничко возило „фолксваген поло“ со кривопаланечки регистарски ознаки, управувано од Ф.Д.(26) од Ранковце и патничко возило „фолксваген туран“ со бугарски национални ознаки, управувано од С.К.(39) од Куманово.
Во несреќата со тешки телесни повреди се здобил Ф.Д., додека С.К. и сопатниците Ѓ.К.(57) и Н.Ѓ.(44) од Куманово се здобиле со телесни повреди, констатирани во Општа болница Куманово, соопштија од полицијата.
Увид на местото на несреќата извршила екипа од СВР Куманово.