ВОНРЕДНО Пукање во Скопје, повеќе лица се ранети
Попладнево се случил инцидент со пукање во близина на стадионот во скопската населба Чаир, објави ТВ21.
Според информациите на ТВ21, повеќе луѓе се ранети во инцидентот.
Еден од повредените е итно пренесен во Универзитетска клиника по хируршки болести „Св. Наум Охридски“, објави телевизијата.
Во изминатите неколку недели имаше неколку инциденти со пукање во Чаир, во кои беа ранети неколку луѓе.
НАЈНОВА ВЕСТ
Едно лице е повредено и пренесено во ГОБ „СВ.Наум Охридски“ по пукањето вечерва во Чаир, потврдија од МВР за Инфомакс.
– Денеска (02.12.2024) од ГОБ “Св.Наум Охридски” во СВР Скопје е пријавено дека кај нив со повреда од огнено оружје бил донесен Џ.Х. од Скопје, кој според пријавеното, бил повреден во паркот на ул. “Кемал Сејфула” во Скопје.
Се преземаат мерки за расчистување на случајот. – велат од МВР.