Сообраќајот на државните патишта се одвива непречено во зимски услови, по претежно суви коловози, информираат од Авто мото сојузот на Република Македонија (АМСМ).
Намалена видливост поради појава на магла од 50 до 80м. има на патниот правец од Жеровјане-Групчин, информира утрово АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.
Ова посебно се однесува за делниците Катланово-Велес, Маврово-Дебар-Струга, Виница-Берово и Кочани-Делчево.