Сообраќајот на државните патишта се одвива во зимски услови, по влажни коловози, наместа со остатоци од кашест снег на коловозот по интервенција од дежурните екипи на ЈП Македонијапат.
Интензитетот на сообраќај на патните правци надвор од градските средини е умерен.
На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Утрово Богдан Илиевски познат како Бетмен Велит на социјалните мрежи објави видео од излизган автобус.
Несреќата се случила на патот кон Сопиште.
Засега не е познато дали во автобусот имало патници или евентуално повредени лица.
Сообраќајот се одвива во една коловозна лента.
Повеќе детали наскоро…