Сестрите Катарина (32) и Наталија (30) Живковиќ загинаа вчера кога во нив удри воз на необележан железнички премин кај Лапово во Србија.
Несреќата се случила вчера околу 17 часот и 30 минути кога на сестрите налетал воз што сообраќал на линијата Земун-Ниш, на темна делница од пругата што мештаните ја користат секојдневно за да не мораат да кружат за да стигнат до градот.
Како што се сомнева, до несреќата наводно дошло кога сестрите Живковиќ се упатиле кон Здружението за помош на лица со попреченост „Зора“ во Лапово за да се дружат со другите членови.
– Каква трагедија е ова за семејството, здружението, сите нас што ги познававме… Сигурно се во рајот, затоа што таму им е местото.
Среќни сме што бевме дел од вашиот краток живот – пишува во еден од многуте коментари што може да се прочитаат на социјалните мрежи.
Во некои коментари, познаници на семејството Живковиќ наведуваат дека жените со нивното ненадејно заминување оставиле зад себе неутешни родители, брат и сестра.
-Една од жените кои починаа има брат близнак, додека другата има сестра близначка. „Голема тага, сите сме скршени“, стои под фотографиите на починатите Катерина и Наталија.