Уште една тешка сообраќајна несреќа на македонските патишта.
Едно лице го загубило животот во сообраќајна несреќа на експресниот пат Ранковце-Крива Паланка, кога автомобилот „фолксваген голф“ излетал надвор од патот и се превртел, извести СВР Куманово.
Според информациите од полицијата во Куманово, незгодата се случила околу 14 часот.
Во несреќата сопатникот починал на лице место, додека со повреди се здобиле возачот и уште едно лице,
додаваат од Секторот за внатрешни работи Куманово.