Тодор Кулаков, таткото на прегазената 22-годишна модна дизајнерка Фросина Кулакова, гостуваше во новото издание на емисијата „Код“.
За одлуката на апелација, Васил Јованов да добие затворска казна, таткото на Фросина вели дека тоа е обид за спасување и наоѓање жртвено јагне за судската одговорност.
Тој, ја коментираше прес-конференцијата на родителите на осомничениот возач Васил Јованов и неговиот адвокат која ја доживува како „навредување на интелигенцијата“.
„Бог нека ми прости, мојата фамилија нека ми прости, јас такво сочуство не можам да прифатам бидејќи е лажно.
Иако нивните намери им се такви нечовечни, јас само една работа можам да ги посоветувам. Молете се на Бога, признајте го делото, синот да го признае делото, да признаат мајката и таткото дека се соучесници во прикривање на криминалот, во прикривање на убиството..
Да пикаш телефони по притвори за да се договараш е чисто соучесништво. Значи, признајте го делото, правдата да биде задоволена, во спротивно самите си гледаат како јавноста ги третира“, коментира таткото на Фросина.