Два сеизмички потреси со јачина од 4,5 и 4,2 степени според Рихтеровата скала се регистрирани на подрачјето меѓу островите Аморгос и Санторини во Грција, соопшти денеска Геодинамичкиот институт на Националната опсерваторија во Атина.
Како што е соопштено, во 1.08 часот по полноќ, земјотрес со јачина од 4,5 степени според Рихтеровата скала е регистриран на 23 километри југо-југозападно од островот Аморгос.
Малку порано, синоќа во 22.55 часот истото подрачје го погоди земјотрес со јачина од 4,2 степени.
И двата земјотреси Институтот ги окарактеризира како „слаби“.
„Катимерини“ потсетува дека од 26 јануари трае серија земјотреси во оваа област и дека оттогаш се забележани повеќе од 16.900 земјотреси посилни од еден степен според Рихтеровата скала.
На неколку острови во регионот е воведена вонредна состојба која ќе трае до 14 март.
The University of Athens in Greece have reported 15,300+ earthquakes on Santorini in just the past 15 days, something that has never happened in the history of the planet! #Santorini #Amorgos #Greece #Cyclades #Earthquake #Earthquakes pic.twitter.com/gMjSXd1w1C
— LeanneSpurs 🇬🇧 (@LeanneSpurs) February 16, 2025