Голема акција во штипско на полицијата и други институции

Голема акција против дивата сеча во околината на Штип, која ја спроведуваат повеќе институции, информира заменик директор на јп национали шуми Кире Михаилов на својот фејсбук профил.

„Во текот на денешниов ден од раните утрински часови во околината на Штип се одвива поголема акција на Шумската Полиција против дивата сеча.

Со акцијата лично раководеше Митко Костадиновски, началникот на Шумската Полиција на МАКЕДОНИЈА.

Во оваа акција учествуваа шумски полицајци од ШПС Гевгелија, ШПС Валандово, ШПС Велес и ШПС Радовиш.

Во акцијата на лице место се заловени поголема група дрвокрадци за кои се поднесени соодветни пријави, одземени се повеќе возила кои се затекнати како превезуваат незаконски посечени дрва и други средства со кои е вршена незаконската сеча.

Се претпоставува дека станува збор за истите луѓе кои пред извесно време направија огромни штети на боровите култури во штипско.Акцијата за справување со дрвокрадците ширум цела МАКЕДОНИЈА ја продолжуваме со уште посилно темпо.“, напиша Кире Михаилов

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде