На 80-годишна возраст почина истакнатиот ортопед проф. д-р Глигор Џолев, соопшти семејството.
Професор д-р Џолев е роден 20.07.1944 година во Струмица и целиот свој живот го посвети на медицината, несебично помагајќи им на своите пациенти со стручност, човечност и искрена грижа.
Од 1972 година до 2009 година работеше, и своевремено бил Директор, на Ортопедската клиника во Скопје, како и редовен Професор на Медицинскиот факултет при Универзитетот „Свети Кирил и Методиј“.
Покрај својата кариера, проф. д-р Џолев беше столбот на своето семејство – посветен сопруг, грижлив татко и горд дедо, како и пријател на голем број Скопјани.
Со својата мудрост, добрина и благородност остави неизбришлива трага во животите на најблиските.
Погребот на проф. д-р Џолев ќе биде извршен на 15 март, во 11 часот на гробиштата Бутел во Скопје.
