Пејачот од Македонија, Никола Станишиќ (24), ја отвори новата епизода во „Ѕвездите на Гранд“ на величествен начин.
Тој настапи со македонски песни, а од жирито беше награден со шест гласови со што директно се пласираше во следниот круг.
Ова посебно ја израдува Светлана Цеца Ражнатовиќ, неговата менторка која не ја криеше среќата што Никола директно помина.
„Браво мило мое“, му порача таа.
Неговиот настап прва го коментираше Ана Бекута која истакна дека најмногу сака кога Македонците пеат на својот мајчин јазик, што го потврдија и останатите членови на популарното жири.
„Тоа го сакаме сите тука, зошто Македонец да ни пее српски или хрватски песни, желни сме за вашиот мелос“.
„Прекрасно пееше Никола, беше весел и еве шестка“, го пофали нашиот пејач познатата фолк-пејачка.
Настапот на Никола погледнете го во продолжение…